CLOSE {X}
Síðan þá hefur mikið covid runnið til sjávar en rokkið rígheldur Haugum og knýr þá til að gefa út meira. Afraksturinn er slabbsmellurinn „Soðkaffi.” Í laginu kemur seiðkarl við sögu sem og torfærur tilhugalífsins. Hlustendur geta gert ráð fyrir þotugítar, effektamalbikun, urrandi bassa, stórum trommum og angurværum söng sem svífur yfir háværri súpunni sem komin er á fössandi suðu áður en yfir líkur.
Hauga skipa:
Árni sem spilar á gítar og sér fyrir grafíska hlutanum, Birkir sem trommar, Markús sem syngur með sjálfum sér og orti textann, Ólafur sem spilar á gítar og bassa og snýr tökkum, ýtir sleðum og Örn sem spilar á gítar og tengir snúrur.
Hljóðjafnað í Sonelab af Justin Pizzoferrato.
Soðkaffi
Töluvert síðan ég grét
töluvert langt síðan ég lét þig
alveg í friði, alveg friði
Þó svo ég fari
niður þennan grjótmulning og
hati þetta svæði
þá kem ég á hverju sumri
ég set upp tjaldiði myrkri
sé svo morguninn eftir að ég
tjaldaði auðvitað í mýri
vakna votur og vesæll
en hugga mig, með soðkaffi, með soðkaffi
styrki mig, hjá seiðkarli
ég hugga mig, með soðkaffi, með soðkaffi
styrki mig hjá seiðkarli
hjá seiðkarlinum góða
-----------
krei krei greyið fór í tófuna
tók alla þessa byrði beint í skrúfuna
sér ekki eftir neinu nema nóttunum, án þín
sér ekki eftir neinu nema dögunum, án þín
krei krei greyið fast í holunni
grefur dýpra og dýpra eftir golunni
sér ekki eftir neinu,
sér ekki eftir neinu
skildi skikkjuna eftir,
stefndi á sigdalinn
niður að viskunni
tók kaðalinn með
ég raða ruslinu í kringum mig
reyni að finna mynstur
týni til það besta
kveiki svo í
ég dreifi ruslinu í kringum mig
reyni að finna mynstur
týni til það besta
kveiki svo í
þú ert ég
eftir að ég hitti þig
spegillinn brotinn
sjö ár af sjálfum mér
þú ert ég
eftir að ég hitti þig
spegillinn brotinn
sjö ár af sjálfum mér
